×

Retorna lo Prèmi Ostana escrituras en lenga maire. Lo Prèmi Ostana, arribat aqueste an a sa novena edicion, se tenerè a Ostana da 1 al 4 de junh. L’iniciativa nais dal desir de conóisser e de far conóisser d’escriveires, de cineastas, de compositors provenents da divèrsi cants dal mond que a travèrs lors qualitats artísticas representon lor lenga maire.

La lengas maire representaas al Prèmi Ostana an la característica comuna d’esser malgrat elas confinaas dins una condicion de non para oportunitat respèct a la lenga dominanta di lors Estats de referença; per aquesta rason chascuna d’elas encharna un’especificitat e una biodiversitat da defénder, gardar, tutelar e contiar.

Las condicions de la lenga maltesa son pas las mesmas d’aquelas de la lenga grika, de la lenga youruba, basca, curda, tibetana, o de las lengas shuar e huave.

Depuei nòu ans, d’aüra enlai, lo prèmi Ostana garda son originalitat e son unicitat pròpi dins lo coratge que demostra a menar dins un vilatge de lenga e cultura occutana de la província de Coni de lengas maire da tot lo mond, las arrambant e las butant sal mesme plan, las fasent conviure dins un festenal de la diversitat linguística.

La lenga maire e son estòria pòlon parelh devenir un enstrument per far lutz sus la situacion geogràfica e política di País representats e des divèrsas situacions que venon se crear dins lo rapòrt entre lenga majoritària e lenga menc difondua.

A l’edicion 2017 dal Prèmi Ostana son envidats d’autors de lenga Cabila, Innu, Nynorsk, galesa, occitana e un escrieire-artista que a culhit ental volum Vagabolario de literatura de divèrsas minorànças linguísticas en Itàlia.

Lo Prèmi es promogut da la Region Piemont, da la Comuna d’Ostana, ideat e organizat da l’associacion Chambra ‘òc en collaboracion abo Cirdoc, Pen Club Occitan, Fondacion CRT, Uncem deleg. dal Piemont, Bouligar, L’aura.

Las antologias des edicions precedentas al prèmi, en mai que lhi materials audio e video son publicats sus www.chambradoc.it

Comitat organizator

Giacomo Lombardo, President
Ines Cavalcanti; Aurélia Lassaque; Valentina Musmeci; Valter Giuliano; Fredo Valla, Diego Corraine

Per d’informacions

Questo indirizzo email è protetto dagli spambots. È necessario abilitare JavaScript per vederlo. – tel: 328-3129801
www.chambradoc.it

Ofici Estampa

Greta Messori – Babel Agency
Questo indirizzo email è protetto dagli spambots. È necessario abilitare JavaScript per vederlo.
mob: 338 4282344